Бугун Италияда Индзаги - Гаттузо "тўқнашуви"

«Милан»нинг чемпионатдаги кетма-кет ғалабали серияларидан сўнг Гаттузони роса мақташди. Аммо шуни айтиш керакки, қўлга киритилган ғалабалар ҳакам томонидан қўшиб берилган дақиқаларда қайд этилди ва бу жамоа ўйинида кескин ўзгариш юзага келгани йўқ.

«Милан» мағлуб этган «Сампдория», «Женоа» ва «Удинезе» ўша пайтда ўзларининг оптимал спорт формаларида эмасди. «Милан» турнир жадвалида ЕЧЛга йўлланма берувчи ҳудудда ҳам бўлишга улгурди, аммо ўшанда ҳам муаммолар ҳали бартараф этилгани йўқлигини кўрсатиб турганди.

«Ювентус» билан бўлган баҳс буни амалда яна кўрсатиб берди. Устига-устак ўша ўйинда жамоа тўпурари Гонсало Игуаин қизил карточка олиши бугунги тўқнашувда ҳам «Милан»га қўшимча қийинчилик тақдим этади.

«Лацио»га қарши «Милан» асосий «снайпери»сиз қийналиб қолиши аниқ. Бироқ бу Гаттузо олдида турган ягона муаммо эмас. Гап шундаки, яқиндагина жарроҳлик столига ётган Бонавентура мавсум якунига қадар сафдан чиқди. Лукас Билья яқин 4 ой давомида жамоага ёрдам беролмайди. Лазаретни шунингдек яна уч марказий ҳимоячилар: Маттиа Кальдара, Матео Мусаккьо ва Андреа Романьоли тўлдириб туришибди. Бу эса Гаттузони яна тактик схемани ўзгартиришга мажбур қилади. «Лацио»га қарши Гаттузо катта эҳтимол футболчиларни 3-4-3 жойлашуви асосида майдонга туширади. «Милан»нинг мазкур схемаси ишончли ўйинни кафолатламайди. Шундоқ ҳам «Милан» чемпионатда 16та гол утказиб юбориб энг кам гол қўйворган жамоалар ичида 11-ўринни эгаллаб турибди.

«Лацио» жорий мавсумда мавсумда фақатгина «Ювентус» ва «Наполи» дарвозасига йўл топа олмади. Қолган учрашувларда римликларнинг ҳужум чизиғи уялтирмаяпти. Аммо бу «Лацио»га жиддийроқ вазифалар учун курашишга етарли бўлмаяпти. Жамоа ўзидан кучлироқ ёки турнир жадвалида тепароқ турган рақиблар билан муаммоларга дуч келмоқда. Аммо турнир жадвалида ўзидан пастки ўринда бораётган жамоаларга қарши ишончли ўйнаб, очколар ҳисобини ошириб боришмоқда. «Милан» эса буни ҳам уддалай олмаяпти.

«Лацио» айни пайтда ўйин жиҳатидан ҳам, руҳий тарафлама ҳам «Милан»дан устунроқ кўринмокда. Бу эса уларга мазкур баҳсда фаворит номини беради.


Тахминий таркиблар:

«Лацио»: Стракоша – Уоллас, Ачерби, Раду – Марушич, Пароло, Бадель, Лулич – Луис Альберто, Милинкович-Савич – Иммобиле

«Милан»: Д. Доннарумма – Абате, Сапата, Родригес – Калабрия, Кессье, Бакайоко, Лаксальт – Сусо, Кутроне, Чалханоглу

Лацио Хоакин Корреа - 90'

Серия А . Тур 13 25/11/2018, 22:00 1 : 1 Завершен

Милан Уоллес - 78'

Стадион: Stadio Olimpico, Rome, 38000 зрителей

Главный судья: Лука Банти

45'

90'

33'  Сергей Милинкович-Савич

64'  Луис Альберто (Хоакин Корреа)

65'  Сергей Милинкович-Савич (Джордан Лукаку)

82'  Штефан Раду (Фелипе Кайседо)

90'  Хоакин Корреа

78'  Уоллес

87'  Джанлуиджи Доннарумма

Открыть в Матч-Центре

Шаҳбоз Беғамов