Бугун футбол. АГМК - "Қўқон-1912"
07 апр 2019 15:36
Новости
Бугун футбол. АГМК - "Қўқон-1912"
Йил бошида ўз олдига катта мақсадларни қўйган АГМК ўз майдонида "Қўқон-1912"ни қабул қилади. Олмалиқ шаҳрида кечадиган баҳс соат 17:15да бошланади.
Ҳар икки жамоа бунгача иккита ўйинда майдонга тушиб, иккаласида ҳам ғалаба қозона олмади. АГМК бир бор дуранг ўйнаб, бир марта мағлубиятга учраган бўлса, "Қўқон-1912" икки марта дурангга эришди. Бугун ким зафар қучса жорий мавсум Суперлигадаги илк ғалабасини нишонлайди.
Жамоалар Ўзбекистон чемпионати доирасида ўзаро 10 марта дуч келишган. Шунда бештасида АГМК, учтасида "Қўқон-1912" ғалабага эришган. Шунингдек, яна иккита баҳс дуранг билан якун топган. Умумий тўплар нисбати 12-13, қўқонликлар фойдасига.
АГМК ўз майдонидаги бешта ўйиннинг дастлабки иккитасида ғалабага эришган. Шундан кейин қаторасига уч учрашувдан бери "Қўқон-1912"ни мағлуб эта олмаяпти. Бу эса бугунги беллашув янада қизиқ кечишини англатади. Охиги учта ўйиннинг иккитасида 0:0 ҳисоби қайд этилган ва сўнгги беллашувда Нўъмон Ҳасанов шогирдлари 3:1 ҳисобидаги ғалаба билан қайтиб кетишган.
Агар бугун АГМК ғалаба қозона олса, 2016 йилдан бери биринчи марта "Қўқон-1912"ни мағлуб этган бўлади. Мабодо омад меҳмонлар томонида бўлса, унда "Қўқон-1912" кетма-кет иккинчи бор Олмалиқдан ғалаба билан қайтади.
Похожие новости
championat.asia
Ла Лига. Бир неча кун олдин "Барселона"ни тор-мор этган "Атлетико" чемпионат аутсайдерига йирик ҳисобда мағлуб бўлди ва тўртинчи ўринга тушиб кетди
Элит ОЧЛ. "Насаф" турнирдаги илк ғалабасини тантана қилди, аммо юришини гуруҳ босқичида якунлади
Англия Кубоги. "Манчестер Сити" ўз майдонида "Салфорд Сити"ни ишончли ҳисобда мағлуб этди
Родри дисквалификация қилиниши мумкин
Комментарии