Бугун "Бунёдкор" Шотландия клуби билан ўйнайди
15 янв 2017 14:24
Новости

Бугун "Бунёдкор" Шотландия клуби билан ўйнайди

БААда хорижий йиғинни ўтказаётган "Бунёдкор" клуби бугун навбатдаги баҳсни ўтказади.

Сергей Лушчан бошчилигидаги "қалдирғочлар"га Шотландиянинг "Абердин" клуби рақиблик қилади.

1903 йилда ташкил топган ушбу клуб бугунга қадар 4 марта Шотландия чемпиони бўлган, 7 бор мамлакат кубоги, 6 марта Шотландия лига кубоги соҳибига айланган. 1983 йилда УЕФА Кубок эгалари кубогини ва УЕФА Суперкубогини қўлга киритган.

"Абердин" юқоридаги халқаро мусобақаларда машҳур мураббий Сэр Алекс Фергюсон бошчилигида ғолиб чиққан.

"Бунёдкор" - "Абердин" учрашуви бугун маҳаллий вақт билан соат 16:00да (Тошкентда 17:00 бўлади) Дубайдаги "Жебел Али" стадионида бошланади.