Бу шунчаки шоколад эмас

Айнан шу йўл-йўл қоғозга ўралган ширинликни мен билан баҳам кўрган 50 ёшлик ҳамкасбим Филлип, болалигиданоқ Берлин клубининг ашаддий мухлиси. «Клубни ўзгартириш партияни ўзгартиришдан ҳам кўра ёмон», деб кулади Филлип.

Умуман олганда, купчилик учун Бундеслига Премер-лига ёки Ла лига каби қизикарли эмасдек, оммабоп эмасдек куринади. Аммо, бу ҳақиқатдан йироқ бўлиши ҳам мумкин. Кузатувчиларнинг фикрича, Бундеслига бутун дунё буйича ўзининг доимий мухлисларига эга. Яқинда Англияда чоп этила бошлаган, ва бутун дунёдан обуна бўлина бошлаган «Halb Vier» журнали бунга мисол.

Англиядан Бундеслига матчлари учун Германияга учиб келадиган мухлислар ҳам коронавирус пандемиясига қадар талайгина бўлган. Хуш, Англия футболсеварларига нима етмайди? Немис футболининг ўзига хослиги нимадан иборат? Менинг фикримча, Бундеслига бу мухлисларнинг лигаси. Англия лигасининг сифати, ўйинчи, тренерларнинг савияси ҳақида гап йўқ. Аммо, улардаги чекловлар, мухлисларнинг сўз эркинлиги ҳам фарқли.

Бундеслига фанатлар учун. Бундеслигага мухлислар эгалик қилади. 75 фоизи олигархларга тегишли бўлган Англия футболидан Бундеслига анча бошқача - у халқники. Айнан шу жиҳатини согинган, футбол трибунасида бақир-чақир қилиб ашула айтгиси келган англичанлар самолётга ўтириб Германияга футбол кўриш учун келишининг сабаби ҳам шунда. Улар Бундеслига ўйинларини 80 йилларнинг Англия футболига ўхшатишади нархлар ҳам арзонроқ.

74475 мингта мухлисни сиғдира оладиган Берлиндаги «Олимпийский» стадионида «Geisterspiel» яъни «арвоҳ ўйинлар», маска ва дезинфектантлар билан давом этган «Герта» эса ҳамон мухлислар қалбида. «Герта»чилар клуб шарфларини ўраб, «фирменний» шоколадини кўтариб меҳмонга боришади, кружкалардан кофе ичишади. Улар «тирик» футбол бошланишини сабрсизлик билан кутишди.

Матлуба Мустаева 

Берлин, Германия