“Борнмут” Англия терма жамоаси ҳужумчиси билан янги келишувга эришди

Уилсон “Борнмут” билан шартномасини яна бир йилга узайтирди. Энди у клубда 2023 йил ёзига қадар тўп суради.

27 ёшли ҳужумчи “Борнмут”га 2014 йил июлида 3,7 млн евро эвазига “Ковентри”дан ўтганди. У ўтган мавсум АПЛда 30 та ўйин ўтказиб, 14 та гол урди ва 10 та голли узатмани амалга оширди. Ўтган йил ноябрида эса Англия терма жамоасида дебют қилди. Ҳозирга қадар терма жамоа сафида 3 та ўйин ўтказиб, 1 та гол уришга эришди.