Бонуччи ЖЧ саралаш тизимини танқид қилди

Итальянлар ўз майдонида Шимолий Македонияга мағлуб бўлиб, ЖЧдан қуруқ қолди.

"Биз фақатгина бир ўйин ўтказдик, бу абсурд тизим. Ўша ўйин ҳам биз учун омадсиз якунланди, бу шунчаки ақлсизлик.

ЖЧга саралаш аввало доиравий тизимда гуруҳ босқичида, омадсизлик бўлса турнирда иштирок этиш керак. Бунда эса барча кўрганидек исталган натижа бўлиши мумкин.

4 ёки 5 ўйинда мағлуб бўлиб, ЖЧга чиққан термалар ҳам бор. Биз эса 92-дақиқада гол ўтказиб, мундиалдан қуруқ қоляпмиз. Бу мутлақо мантиқсизлик.

Албатта, бу орқали биз ўзимизни оқламоқчи эмасмиз. Яхшироқ ўйин кўрсатишимиз, ўзимиз истаган жойда бўлишимиз керак эди.

Европа чемпионатидан кейин ўзимизни бироз йўқотиб қўйдик. Бу эса ЖЧга чиқишимизда катта тўсиқ бўлди", - деди Бонуччи.