Болт футболчи бўлиш фикридан қайтадими?
18 ноя 2018 09:30
Новости

Болт футболчи бўлиш фикридан қайтадими?

Енгил атлетика бўйича саккиз карра Олимпиада ўйинлари чемпиони ямайкалик Усейн Болтнинг айтишича, ноябрь ойи охиригача бирор бир жамоа билан профессионал шартнома тузади ёки футбочли бўлиш орзусидан қайтади.

Ноябрь ойи бошида футболчи Австралиянинг “Сентрэл Кост Мэринес” клуби билан синов муддати билан шартнома тузганди. Клуб раҳбариятига ямайкалик атлетнинг ҳаракатлари маъқул тушди. Аммо унинг агенти профессионал шартнома тузиш учун катта маблағ сўради.

“Менга турли клублардан таклифлар бор. Биз ноябрь ойи охирига қадар аниқ тўхтамга келамиз. Ўшанда мен қайсидир клуб билан шартнома тузаман ёки футболчи бўлиш орзуимдан воз кечаман”, дейди Болт.

Ямайкалик атлетнинг айтишича, Поль Погба ва Раҳим Стерлинг сингари футболчилар унинг футболчи бўлишини қўллаб-қувватлашган.

“Мен Стерлинг ва Погба билан суҳбатлашдим. Улар футболчилик фаолиятимни бошлашимдан хурсанд. Улар менга “олға бос, сени буни уддайлайсан”, дейишди. Гап пулда эмас. Бу менинг ёшликдаги орзуим. Мен шунчаки бу ишда қанчалик яхши бўлишимни билмоқчиман”, дейди Болт.

Ссылка :

Источник : NBC

Получайте новости прямо в Telegram!

Рейтинг: +5