Биласизми? Икки йил олдин Роналду ҳам исландлар дарвозаси томон 11та зарба бериб гол ура олмаган
17 июн 2018 09:37
Новости

Биласизми? Икки йил олдин Роналду ҳам исландлар дарвозаси томон 11та зарба бериб гол ура олмаган

Кеча ЖЧ-2018нинг "D" гуруҳида Аргентина ва Исландия терма жамоалари ўзаро дуранг ўйнашди - 1:1.

Ана шу учрашувда аргентиналиклар етакчиси Лионель Месси рақиб дарвозаси томон 11та зарба берди ва бирорта ҳам гол ура олмади. Месси ҳатто пенальтини ҳам голга айлантиролмади.

Қизиғи, бундан 2 йил олдин 14 июнь санасида Евро-2016 гуруҳ босқичи доирасидаги ўтказилган Португалия - Исландия (1:1) ўйинида ҳам шунга ўхшаш ҳолат кузатилган. Ўшанда португаллар сардори ва етакчиси Криштиану Роналду исландлар дарвозаси томон 11та зарба берган ва гол ура олмаган эди.

Ҳа, афтидан Исландия кипери Ханнес Халлдорссон футболнинг бугунги кундаги қиролларини қандай тўхтатиб қолишни жуда яхши билади.