Бэйл - ЕЧЛ финалининг энг яхши футболчиси!
27 мая 2018 09:29
Новости

Бэйл - ЕЧЛ финалининг энг яхши футболчиси!

УЕФАнинг техник кузатувчилари ЕЧЛ финал учрашувининг энг яхши футболчисини аниқлашди.

Шубҳасиз, ўйин қаҳрамони “Реал”нинг ҳужумкор ярим ҳимоячиси Гарет Бэйл бўлди. Захирадан майдонга туширилган уэльслик футболчи бир-биридан чиройли иккита гол киритиб, жамоасининг “Ливерпуль” устидан қозонилган (3:1) ғалабасига муносиб тарзда улуш қўшди.

Эътиборлиси, ЕЧЛ финалининг энг яхши футболчисига аталган соврин қаторасига учинчи бор ҳам “Реал” ўйинчисига насиб қилмоқда. 2016 йилги финалда ҳимоячи Серхио Рамос, ўтган йили эса ҳужумчи Криштиану Роналду учрашувнинг энг яхши футболчиси деб топилган эди.