Бензема ва Дешам ўртасидаги муносабат яхши эмас

Карим Бензема Дидье Дешам ва Франция термасининг баъзи футболчилари билан кескин муносабатларга эга.

"L'Equipe" нашрининг ёзишича, ҳужумчи ва мураббий ҳеч қачон "бир хил фикрда" бўлмаган. Қолаверса, Дешам Бенземанинг "Олтин тўп"ни топшириш маросимидаги нутқида унга раҳмат айтмаганидан хафа бўлди.

Қайд этилишича, Бенземанинг Франция терма жамоаси футболчилари билан алоқаси жойида, аммо жамоада ҳамма ҳам унга яхши муносабатда эмас. Франция терма жамоаси кийиниш хонасида Каримнинг ўрни сезилмади.

Эслатиб ўтамиз, Бензема ЖЧ-2022 бошланишига бир неча кун қолганида жароҳат олди ва мусобақада иштирок этолмаганди. Дидье Дешам унинг ўрнига ўйинчи чақирмади, шунинг учун ҳужумчи Франция терма жамоаси қайдномасида қолмоқда.