"Бавария" Хаби Алонсо билан алоқага чиқди, у яқиндагина мюнхенликларни 3:0 ҳисобида енгган эди

Бугун Мюнхен клуби Томас Тухель ёзда ўз лавозимини тарк этиши ҳақида хабар берди.

"Sky Sport Deutschland" нашри хабарига кўра, "Бавария" аллақачон янги мураббий излашни бошлаб юборган. Асосий номзод сифатида "Байер"ни бошқариб бораётган Хаби Алонсо қаралмоқда. Мюнхенликлар 42 ёшли мутахассиснинг вакиллари билан алоқага чиқишга ҳам улгуришган.

Ҳозир Алонсо тўлиғича "Байер"даги ишига эътибор қаратган. Журналист Флориан Плеттенбергнинг маълумотларига кўра, "Бавария"да Алонсо билан ёзда келишувга эришиш имкониятлари жуда яхши.

Хаби Алонсога "Бавария"дан ташқари, "Ливерпуль" ҳам жиддий қизиқмоқда. Унинг "Байер" билан шартномаси 2026 йилнинг ёзига қадар мўлжалланган.