"Бавария" "Роббери" хизматига таяниши мумкин

Нико Ковач қўл остида Корентен Толиссодан ташқари қолган барча футболчилар умумий гуруҳ машғулотларида иштирок этишмоқда.

Жароҳатланган Роббен душанбадан бошлаб умумий гуруҳ билан шуғулланишни бошлаган. Рибери эса чоршанба куни индивидуал машғулотларни якунлаб, умумий гуруҳга қўшилган. Фақатгина Корентен Толиссо якка тартибда машғулот ўтамоқда.

Нико Ковач "Байер"га қарши ўйинда Роббен ва Риберини учрашув қайдномасига киритиши мумкин. Катта эҳтимол мазкур футболчилар "Байер" билан бўладиган баҳсда жамоага ёрдам бера олишади.

"Штутгарт"га қарши ўйин олдидан ҳам "Бавария" устози Нико Ковач келгуси беллашувга қадар "Роббери" - Рибери ва Роббен сафга қайтишига умид боғлаганди.

Эслатиб ўтамиз, 2 февраль куни Бундеслиганинг 20-тури доирасида "Бавария" жамоаси Леверкузенда "Байер" меҳмонига айланади.

Маълумот ўрнида, Нико Ковач бошқарувидаги жамоа айни пайтда 42 очко жамғарган ҳолда турнир жадвалининг 2-поғонасида бормоқда. Мюнхенликлар пешқадам "Боруссия"дан 6 очко ортда қолишмоқда.