"Барселона" трансфер ойнаси якунига қадар тўрт нафар футболчисидан қутулмоқчи

Рўйхатга Оскар Мингес, Рики Пуче, Иньяки Пенье ва ёзда клуб билан шартномаси ниҳоясига етадиган Усмон Дембеле киритилган.

Манбанинг хабарига кўра, каталонияликлар бош мураббийи Хави аллақачон бу футболчилар унинг келажакдаги режаларига кирмаслигини айтган. Трансфер ойнасининг сўнгги кунларида клуб ушбу футболчилар учун харидорларни топиш устида бош қотиради.

Эслатиб ўтамиз, аввалроқ Усмон Дембелега ПСЖ ва Лондоннинг "Челси" клублари қизиқиш билдираётгани айтилганди, франциялик футболчи ўзининг собиқ устози Томас Тухель билан ишламоқчи экани ҳақида хабарлар тарқалганди.