"Барселона" ЛаЛигада бу мавсум дарвоза устуни ва тўсинини энг кўп пойлаган
01 окт 2018 12:40
Новости

"Барселона" ЛаЛигада бу мавсум дарвоза устуни ва тўсинини энг кўп пойлаган

"Барселона" клуби расмий сайти Испания чемпионати 7-туридан сўнг дарвоза устуни ва тўсинини нишонга олиш статистикасини эълон қилди.

Каталонияликлар расмий сайтининг маълумотларига кўра, "кўк-анорранглилар" бу кўрсаткич бўйича ЛаЛигада якка пешқадам - 8та зарба устун ва тўсинга теккан.

Бу бошқа исталган жамоадан икки баробар кўп дегани. "Севилья", "Валенсия" ва "Эйбар" жорий мавсумдаги 7та ўйинда 4 маротабадан бу ишни бажаришган.

"Барселона"нинг 8та мана шундай зарбаларидан 6таси биргина Мессига тегишли. Усман Дембеле ва Филиппе Коутиньо эса бир мартадан устун ёки тўсинни пойлашган.

ЛаЛигада 7та турдан кейин "Барселона" ва "Реал" 14 очкодан жамғарган ҳолда турнир жадвалида қўшҳокимлик ўрнатишган.