"Барса" Бускетс ўрнига бошқа номзод топди
10 окт 2022 14:27
Новости
"Барса" Бускетс ўрнига бошқа номзод топди
Каталония клуби ёзда шартномаси якун топадиган ярим ҳимоячи Серхио Бускетс ўрнини тўлдирадиган футболчи излашда давом этади.
"Кўк-анорранглилар" испаниялик футболчи ўрнига "Вулверхэмптон" ярим ҳимоя чизиғи вакили Рубен Невешни олиб келишни режалаштирмоқда.
Хави Эрнандес бошчилигидаги жамоа аввалига "Реал Сосьедад" аъзоси Мартин Субименди билан шартнома тузмоқчи бўлди, бироқ у жорий жамоаси билан битимини узайтириши маълум бўлди. Шундан сўнг 25 ёшли Англия Премьер-лигасида тўп тепувчи ўйинчи шорт-листдаги асосий нишонлардан бирига айланди.
Португалиялик ярим ҳимоячи ушбу мавсум "бўрилар" таркибида 8 та ўйинда майдонга тушди ва 1 та голни ўз номига расмийлаштирди.
Transfermarkt порталига кўра, Невешнинг нархи 40 млн еврони ташкил этади. У клуб билан 2024 йилнинг ёзига қадар кучда бўладиган шартномага эга.
Похожие новости
championat.asia
"Арсенал" - "Манчестер Юнайтед". Таркиблар маълум
ЛА ЛИГА. "Барселона" ва "Овьедо" баҳси учун таркиблар маълум
Ўзбекистон терма жамоаси Хитой билан жанговар дуранг қайд этди
"Вильярреал" - "Реал Мадрид". "Қироллик клуби" таркиби маълум
Комментарии