Балотелли коронавирус туфайли Италия чемпионатини тўхтатиш кераклигини айтмоқда

“Пул бизнинг соғлигимиздан юқори турмайди. Уйқудан кўзни очайлик. Мен футболни сизданда яхшироқ кўраман. Аммо майдонга тушиш учун автобус, поезд, самолётда сафарга чиқишим, меҳмонхонада тунаб қолишим ва ҳар қандай ҳолатда ҳам иш жараёнида турли инсонлар билан мулоқотда бўламан. Лаънати коронавирус туфайли фарзандларим билан кўриша олмаяпман. Чунки улар Ломбардияда яшашмайди. Бу ҳолат мени асабийлаштирмоқда ва қайғуга солмоқда.

Деярли ҳар куни мен билан кўришадиган онам мен орқали жабр чекишини истамайман. У менинг ёшимдек ёш эмас. Лекин у футболни ҳамма қатори севади. Мен вирусга чалинишни истамайман. Керак эмас. Кимнидир ҳайратда қолдириш  керакми? Ёки футболга келган инсонлар соғликларини хавф остига солишлари керакми? Кулгуга қолманг! Соғлик билан ҳазиллашиб бўлмайди”, дея футолчининг сўзларидан иқтибос келтирмоқда Football-Italia.

 Нашр маълумотларига кўра, ушбу вирус туфайли Италияда мураккаб вазият юзага келган. Айниқса, Ломбардияда 5000 нафар кишида вирус аломатлари аниқланган. Айни пайтда Италияда коронавирус туфайли 233 нафар киши оламдан кўз юмгани аниқланган.