Балотелли "Инстаграмм"га юклаган сурати учун узр сўради

Бу суратда Италия терма жамоаси футболчиси ўйин қахрамони Супермарио расмига қуйидаги сўзларни ёзган:

"Ирқчи бўлманг! Мариодек бўлинг! У - японлар томонидан яратилган, инглизча гапирадиган, мексикаликларга ўхшайдиган, қоратанлидек сакрайдиган ва яхудий каби танга терадиган италиялик сув қувури устаси" - деб ёзади Балоттели суратда. Бир қанча вақтдан сўнг бу расм ўчириб ташланган.

"Узр сўрайман, менинг ирқчиликка қарши юклаган суратим акс таъсир беришини энди билдим. Барча мексикаликлардаҳам мўйлов бор эмас, қоратанликларнинг ҳаммаси баланд сакрамайди ва яхудийларнинг бари фақат пул ҳақида ўйламайди. Мен бу қахрамонни  кулгили тарзда намойиш этмоқчи эдим, аммо ҳақорат борасида ўйламаганман. Яна бир бор узр сўрайман" - деб ёзади Балотелли ўз "твиттери"да.