Баҳриддин Ваҳобов: "ЖЧда Бразилияга мухлислик қиламан"

Нуфузи бўйича дунёда биринчи ўринда турадиган мусобақани сайёрамиздаги барча футболчи ишқибозлари интиқлик билан кутаётгани рост. Мазкур ЖЧ олдидан мамлакатимиз футболидаги мухлисларга яхши таниш бўлган шахслар билан қисқа интервьюлар уюштириб, ўқувчиларимиз ҳукмига ҳавола этишни лозим топдик. Бу борада дасталбки меҳмонимиз Бухоро ҳужумчиси Баҳриддин Ваҳобов бўлди.

- Баҳриддин ака, кўпчилик орзиқиб кутаётган ЖЧ ўйинлари бошланишига ҳам оз муддат қолмоқда. Сиз қайси жамоага мухлислик қиласиз?
- 20 йилдирки, ҳар доим Бразилия терма жамоасига мухлислик қилиб келганман. Нима учун айнан Бразилия? Тўғриси, билмадим. Балки бу терма жамоанинг ҳужумкор тактикада ўйнагани учун ёқтирарман. Чунки ўзим ҳам олдинги чизиқ вакилиман.

- Унда айтингчи мундиалда қайси ҳужумчига фанатлик қиласиз?
- Шубҳасиз Криштиану Роналдуга!

- Сизнингча қайси терма жамоаси мусобақа кашфиёти бўлиши мумкин?
- Назаримда, Россия терма жамоаси.

Исломбек Рустамбеков суҳбатлашди.