Баҳодир Пардаев: "Бизга ҳам, "Пахтакор"га ҳам 3 очко зарур эди"
14 авг 2016 22:55
Новости

Баҳодир Пардаев: "Бизга ҳам, "Пахтакор"га ҳам 3 очко зарур эди"

Куни кеча чемпионатимизнинг 18-тур учрашувлари бўлиб ўтди. Унда Тошкентнинг "Пахтакор" клуби ўз уйида "Бухоро" жамоасини қабул қилди ва дуранг натижа қайд этди.

Ушбу учрашувдан сўнг "Бухоро" клуби футболчиси Баҳодир Пардаев ўз фикрлари билан ўртоқлашди.

- Қийин бўлган учрашувда ғалаба қозонмаган бўлсак ҳам меҳмондан 1 очко билан ортга қайтдик. Тўғри собиқ жамоамга қарши майдонда тўп тепдим. Лекин бу футбол. Қаерда бўлса ҳам ҳозирги жамоангиз учун қўлдан келганча ўйнаб беришингиз керак. Биз учун ўйинда ғалаба жуда ҳам зарур эди. Афсуски ғалаба қозона ололмадик. Бизга ҳам "Пахтакор"га ҳам 3 очко зарур эди. Шунинг учун ҳам майдоннинг ҳар бир қарич ери учун кураш олиб бордик. Майдонда дўстлик вақтинчалик четга суриб турилади. Майдондан ташқарида эса бир биримиз билан дўстмиз. Шунинг учун барча - барчага миннатдорчилик билдираман ва бизни қўллаб - қувватлаш учун Бухородан келган мухлисларимизга алоҳида раҳмат айтаман", - дейди "Бухоро" клуби футболчиси Баҳодир Пардаев.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +6