БАА «OSN Кубоги» соҳибига айланди

Вьетнам Футбол Федерациясининг хабар беришича, 15 октябрь куни Тошкентда Ўзбекистон миллий терма жамоасига қарши ОК-2015 саралаш 3-тур ўйинида майдонга тушадиган Вьетнам терма жамоаси 9 октябрь куни Дохада Қатар терма жамоаси билан ўртоқлик учрашувини ўтказади. Вьетнам терма жамоаси Қатарга қарши ўртоқлик учрашувини ўтказиб 11 октябрь куни Тошкентга ташриф буюради.

Эслатиб ўтамиз, ОК-2015 саралаши «Е гуруҳида Ўзбекистон терма жамоаси 2-турдан кейин 1 очко тўплаган ҳолда гуруҳда 3-ўринда бормоқда. Вьетнам эса, гуруҳда сўнгги ўринни эгаллаб турибди. «Е» гуруҳида айни дамда БАА терма жамоаси икки ўйиндан сўнг 6 очко тўплаган ҳолда пешқадам бўлиб турибди. Гонгконг 4 очко билан иккинчи ўринни эгаллаган.

Маълумот ўрнида саралаш гуруҳидаги яна бир рақиб - Гонгконг терма жамоаси 11 сентябрь куни Сингапур терма жамоаси билан ўртоқлик учрашувини ўтказиб, 1:0 ҳисобида ғалаба қозонди. Гуруҳ баҳсларида пешқадамлик қилаётган БАА терма жамоаси эса 5-9 сентябрь кунлари Саудия Арабистонида ўтказилган «OSN Кубоги» халқаро турнирида иштирок этди ва ғолибликни қўлга киритди. БАА терма жамоаси Тринидад ва Тобаго ҳамда Янги Зеландия терма жамоаларини мағлубиятга учратиб мусобақа ғолиби бўлди. Таъкидлаш жоиз, Маҳди Али бош мураббийлигидаги БАА терма жамоаси ўзининг ғалабали ўйинлари сериясини 13тага етказиб олди.

«Е» гуруҳида 3-тур ўйинлари 15 октябрь куни ўтказилади. Шу куни Ўзбекистон миллий терма жамоасини Тошкентда қабул қилса, БАА терма жамоаси ўз майдонида Гонгконг терма жамоаси билан ўйнайди.