Азиз Ҳайдаров жамоаси 10 киши бўлиб ғалаба қозонди

Ҳамюртимиз Азиз Ҳайдаров тўп тепаётган "Ал Шабаб" клуби сафарда "Ал Дафра" меҳмони бўлиб 2:1 ҳисобида зафар қучди.

Учрашувда терма жамоамиз аъзоси Азиз Ҳайдаров тўлиқ ўйнади. Таъкидлаш лозимки, "Шабаб" вакили Энрике Луваннор баҳснинг 10-дақиқасида қизил карточка олиб майдонни тарк этганди. "Ал Шабаб" ушбу ғалабадан сўнг ўз очколарини 25тага етказиб олди ва мусобақа жадвалининг 2-поғонасига чиқиб олди. 

"Ал Шабаб" навбатдаги ўйинни 22 декабрь куни ўз майдонида "Ал Айн" клубига қарши ўтказади.

"Ал Дафра" - "Ал Шабаб" 1:2
Голлар: М.Диоп 44 - Исса Муҳаммад 38, К.Виллануева 85.
Четлатиш: Энрике Луваннор 10 ("Ал Шабаб")