Азамат Абдураимов: “Машъал”га қарши ўйин олдидан бу ғалаба бизга керак эди

Учрашув якунланганидан сўнг Азамат Абдураимовдан одатдагидек ўйин тўғрисидаги фикрларини сўрадик.

- Бугун ғалаба қозонганимиз боис албатта натижадан қониқиш ҳосил қилдим. Учрашувдан олдин шогирдларимга ўйин осон ўтмаслигини тушунтиргандим. Чунки “Спартак” ҳар қандай муносиб қаршилик кўрсатадиган жамоа эди. Ўйин айтганимдек оғир ўтди. Рақиб дарвозасига голларни ҳам осонликча урганмиз йўқ. Бунинг устига иккинчи бўлим бошида бир ўйинчи кам бўлиб қолдик. Шу боис “Машъал”га қарши ўйин олдидан йигитлар катта куч сарфлашди. Ўйин борасида футболчиларим қаерлардадир хатоларга йўл қўйишди. Албатта бу камчиликларни бартараф этиш устида ишлаймиз. Муҳими ғалаба қозондик ва бу ютуқ бизга муборакликларга қарши баҳс олдидан жуда керак эди. Сабаби бу ғалаба билан “Машъал”га қарши юқори кайфиятда тайёргарлик кўрамиз. Шунинг учун бугунги қийин ғалаба ва ўйин учун шогирдларимдан миннатдорман.