Азамат Абдураимов: "Локомотив" чемпионликка хос тарзда ўйнади"

"Ўйинимиз ўхшамади. Бугун "Локомотив" чемпионликка хос ўйнади. "Андижон" бугун маҳорат бобида рақибдан кучсиз эди. Менимча биз бугун чемпионликка курашадиган жамоага мағлуб бўлдик. Афсус билан тан олиш керакки биз ҳозирги вақтда "темирйўлчилар"дан кучсизмиз",  - дейди Азамат Абдураимов.

"Мағлубиятда барчанинг айби бор, мураббийлар штабининг ҳам, футболчиларнинг ҳам. Жамоанинг ҳужумида муаммолари кўп, бугун ҳимоямизда ҳам муаммолар ҳам борлигини кўрсатиб берди. Ғалаба қозонса жамоа ютади, мағлуб бўлса - мураббий. Вазиятни ўнглаш учун бор кучимиз билан ишлашда давом этамиз".

"Фақат бугунги учрашув билан ўйинимизга баҳо бериш керак эмас. Аммо ўз майдонимизда "Динамо"га қарши ўтган баҳсда биз энг яхши ўйинимизни кўрсатгандик. Аммо ўйин қанчалик яхши бўлса ҳам натижа бўлмаса қийин. Бугун эса ўйин ҳам, натижа ҳам бўлмади".

"Кеча жамоа мени туғилган куним билан табриклади. Уларга энг яхши совға "Локомотив" устидан қозониладиган ғалаба бўлишини айтдим. Афсуски бугун улар буни эплай олишмади", - дейди кеча ўз туғилган кунини нишонлаган Азамат Абдураимов.