Камолиддин Тожиев: "Танаффусдан кейин тезда тонусга тушиб олиш осон эмас"
01 авг 23:22
Новости

Камолиддин Тожиев: "Танаффусдан кейин тезда тонусга тушиб олиш осон эмас"

Суперлига 16-туридан ўрин олган "Машъал" - "Пахтакор" (0:1) учрашувидан сўнг "Пахтакор" бош мураббийи Камолиддин Тожиев матбуот анжуманида иштирок этди.

- Ўйин бошидан охиригача жамоамиз устунлиги остида кечди дея оламан. Вазиятлар яратяпмиз, лекин гол уришга келганда камчиликлар кузатиляпти. Бунинг устида қаттиқ ишламасак бўлмайди. Муҳими, битта гол уриб ютиб олдик ва энди эътиборни кейинги ўйинга қаратамиз.

- Ёзги танаффусда жамоага қўшилган футболчилар сизни қониқтиряптими?

- Бугун кўрдингиз, ҳимоячимиз яхши ўйнади, ҳаракатлари чакки эмас.

- "Пахтакор"дан кўп футболчилар терма жамоага чақирилади, улар клубга қайтганида киришиб кетиш қийин бўлмаяптими?

- Футболчиларимиз профессионал ва улар билан бундай муаммо бўлади деб ўйламайман. Фақат бир ойлик танаффусдан кейин бирданига тонусга тушиб олиш осон бўлмайди. Шу боис бугун ҳам қийналдик.

- Иккинчи даврадаги мақсад ҳақида?

- Суперлигани яхши якунлаш ва чемпион бўлиш. Бизда бундан бошқа мақсад йўқ.

Ссылка :

Источник : championat.asia

Получайте новости прямо в Telegram!

Рейтинг: +3