Аёллар футзали. Ўзбекистон терма жамоаси CAFA мусобақасини Эронга қарши ўйин билан бошлайди
03 фев 12:13
Новости

Аёллар футзали. Ўзбекистон терма жамоаси CAFA мусобақасини Эронга қарши ўйин билан бошлайди

Теги : CAFA CAFA Women`s futsal championship

Бир неча кундан сўнг, Тожикистон пойтахти Душанбе шаҳрида аёллар футзали бўйича Марказий Осиё футбол ассоциациялари — CAFA турнири старт олади.

Унда Эрон, Ўзбекистон, Тожикистон, Қирғиз Республикаси ва Туркманистон аёллар футзал терма жамоалари ўзаро куч синашади.

Ушбу мусобақага қуръа ташланди ва Фарруҳ Зокиров бошчилигидаги терма жамоамиз турнирни Эронга қарши ўйин билан бошлайдиган бўлди.

Қуръа натижаларига кўра, ҳамюртларимиз учрашувлари тақвими қуйидагича кўриниш олди:

9 февраль, якшанба
Туркманистон - Қирғиз Республикаси
Ўзбекистон – Эрон

10 февраль, душанба
Туркманистон – Ўзбекистон
Қирғиз Республикаси - Тожикистон

12 февраль, чоршанба
Эрон - Қирғиз Республикаси
Тожикистон - Туркманистон

14 февраль, жума
Эрон - Туркманистон
Ўзбекистон – Тожикистон

16 февраль, якшанба
Қирғиз Республикаси - Ўзбекистон
Тожикистон - Эрон

Тўртинчи маротаба ташкил этилаётган мазкур мусобақага 2022, 2024-йиллари Тожикистон, 2023-йилда эса Ўзбекистон мезбонлик қилган. Эрон барча мавсумларнинг ғолиби ҳисобланса,, ҳамюртларимиз учаласида ҳам кумуш медалларни қўлга киритишган. Қирғиз Республикаси вакиллари икки маротаба, тожикистонликлар эса бир марта бронза медали билан тақдирланган.