RU

Последние новости

07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  41 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30

"Автобус ҳайдовчиси"... Нима учун Моуриньо бошқача мураббий? Новости

"Автобус ҳайдовчиси"... Нима учун Моуриньо бошқача мураббий?

МЮнинг "Ювентус" устидан ғалаба қозонганига 2 кун ўтган бўлса-да, кўчада Моуриньо ҳақида ҳали ҳам гапиришмоқда.

Моуриньо шундай инсонки, унинг жамоалари мураббийнинг кайфиятига қараб ўйнайди. Португалиялик мутахассис МЮ бошқарувини ўз қўлига олганидан кейин жамоа кўплаб ўйинларда камбэклар амалга оширди. Тўғри, сўнгги пайтларда Моуриньонинг истеъфоси борасидаги гап-сўзлар анчагина камайди. Аммо раҳбарият унинг олдига конкрет равишда бирор ўйиндаги мағлубият орқали истеъфо бўлиши айтилса, жамоа ғалаба қозонаверади.

Олдинроқ "Special One" "Бернли"га қарши ўйинда жамоа мағлуб бўлса, ишидан кетиши айтилганди. Аммо жамоа ғалабага эришди. Кейинчалик Англия матбуоти томонидан МЮ "Уотфорд", "Янг Бойз" ва "Вулверхемптон" билан ўйинларда бир марта ютқазадиган бўлса ҳам Моуриньога чиқиш эшиклари кўрсатилиши мумкинлиги борасида хабарлар тарқаганди. Унда манкунианликлар 9 имкониятдан 7 очко ишлаб олди. Демак, Моуриньога ҳар бир ўйиндан олдин истеъфо билан қўрқитиш керак экан. Шундагина у жамоани ғалабага бошлайди. Аммо шундай жиҳатлар борки, булар Моуриньодан бошқа мураббийларда мавжуд эмас.

ҲИМОЯВИЙ ЎЙИН ОРҚАЛИ НАТИЖАГА ЭРИШИШ

Моуриньо қаерда ишлаган бўлса ҳам, одамлар унинг жамоаси мағлубиятида клубни эмас, фақатгина мураббийни айблайди. У "Реал"да ҳам, "Челси"да ҳам, МЮда ҳам шундай қилган. У қайсидир етакчи футболчи билан урушиб қолгандек бўлади ёки ўз ўйин услуби билан барчани ранжитади. Аммо якунда яхши натижа. "Ювентус"га қарши ўйинда МЮ ёмон ўйнагани йўқ, футболчилар тартибли равишда Моуриньонинг айтганларини бажарди. Ўз навбатида "Юве" "Олд Траффорд"даги ўйин орқали МЮга берадиган баҳоси пасайганди. Португалиялик эса буни сезди. Ва шу орқали натижага эришди.

Ўтган мавсумда ҳам МЮ барқарор эмасди. Аммо жамоа натижа кўрсатишда, ғалаба қозонишда унчалик ёмон эмасди. МЮ етакчилар билан ўйинда автобус орқали натижа кўрсатди. Бироқ барчасида ҳам эмас. "Ливерпуль" майдонига МЮ катта "автобус" билан борди. Бироқ бошқа ўйинларда "қизил иблислар" бутунлай ҳимояга ётиб олмади, қарши ҳужум тактикасида ўйнади.

ИНТЕРВЬЮЛАР ва ҲАРАКАТЛАР

"Моуриньо ҳар доим янги гапларни ўйлаб топади, қолганлар эса мендан ўғрилайди", деб айтганди бир вақтлар Моуриньо.

Бу борада унинг гапларига қўшилсак бўлади. Моуриньо қолипда ўралган, сийқаси чиққан, ҳар куни қайтариладиган гапларни гапиришни ёқтирмайди. У интервьюлардан қочмайди ва барчасини очиқ-ойдин гапирадиган камёб мураббийлардан. У "Барселона"да ишлаб юрганида шундай деган экан: "Реал" бош мураббийи бўлсам, "Барселона" шундай йирик ҳисобда ютқазиб бераманки, мени танқид ҳам қилишмайди, истеъфога ҳам чиқаришмайди".

Моуриньо ушбу гапининг "уддасидан чиққан". Ҳа, ўша 0:5 ҳисобидаги мағлубият унинг даврида бўлганди. Келинг, 2004 йилга қайтамиз. У "Челси"га бош мураббий бўлган куни ОАВ ва жамоа мухлислари олдида сўз берганди: "Манчестер Юнайтед"ни ер билан яксон қиламан". У буни уддаладими? Албатта! У илк мавсумидаёқ АПЛ бош совринини қўлга киритди.

"Интер"да ишлаб юрганида эса ЕЧЛ финалида "Бавария"га қарши ўйиндан олдин: "Бавария"га ҳозирдан ачиняпман. Улар эртанги мағлубиятга тайёрланаверишсин".

Пайшанба тунида бўлган "Ювентус"га қарши ўйиндан кейин эса Моуриньонинг қилган хатти-ҳаракатини эса шунчаки таърифлашга тил ожиз. У "Юве" мухлисларини бир ҳаракат орқали оғзини ёпди. У ҳар доим ўзининг интервьюлари ва қиладиган ишлари билан барчани ҳайратда солдираверади.

МУАММОЛАРНИ РАҲБАРИЯТГА ЎЙИНДА КЎРСАТИБ БЕРАДИ

Кўпчилик мураббийлар таркибдан норозилигини раҳбариятга айтади. Улар эса янги футболчи сотиб олишда ёрдам беради.

Моуриньо "Челси"да ишлаб юрганида раҳбарият унга ҳужумчи ортида ўйнайдиган футболчини олиб беришмаганди. Жозе бу жой учун Оскарнинг хизматидан фойдаланмади ва бундан норозилигини Виллиан орқали кўрсатди. Бразилиялик футболчи бу жойда ўйини унчалик қовушмаганидан кейин, "Челси" ҳужумчи ортида ўйнайдиган футболчисиз ўйнай бошлади. Бироқ Моуриньонинг "Челси"даги даври кўпга чўзилмади. У истеъфога чиқди.

МЮда ҳам у таркибдан кўп бора норози бўлди. Ўтган мавсум қишда жамоанинг икки нафар жароҳатланмаган марказий ҳимоячиси қолганди. Раҳбарият унга ҳимоячи сотиб олиб бермагани учун ўз принципларини ўзгаритириб юборди. Гоҳида Кэррик бу жойда ўйнаган бўлса, Погба ва Эррера ҳам марказий ҳимояни ушлаб турди. Аммо улар эплашди. Бунда Погба асосий юкни ўзига қабул қилди ва ҳимоядан ташқари, ҳужумга ҳам борди.

Моуриньо ёзги трансферлар ойнаси вақтида раҳбариятдан ҳимоячи олиб беришини жуда кўп бора талаб қилди. Бироқ Эд Вудворд бунинг уддасидан чиқмагани учун МЮ мавсумни катта муаммолар билан бошлади. Ўзгача мураббий ҳимояда Эррерани ўйнатгани эса кўпчиликнинг эътиборини тортди. У ушбу юриши орқали таркибнинг кўринишидан умуман норози эканлигини яна бир бор таъкидлагандек бўлди.

Мақоланинг якуний қисмида шуни айтишимиз мумкин-ки, Моуриньо давримизнинг энг зўр мураббийларидан бири. У ўзи ишлаган барча жамоаларда қандай катта совринлар қўлга киритганини эслатиб ўтириш шарт эмас. Умид қиламизки, у "Манчестер Юнайтед"ни Сер Алекс давридаги кўринишга қайтара олади.

Миржалол Норматов таржимаси

Рейтинг: +39   

Комментарии

championat.asia
< посмотреть последние новости
Яндекс.Метрика