"Реал" Эндрикни ижарага беришга тайёр, форвард эса бунга қарши. У жароҳати туфайли бу мавсумда ўйнамади

Мадридликлар 19 ёшли форвард бошқа жамоада ўйин амалиётига эга бўлишига умид қилмоқда, аммо бразилияликнинг ўзи ҳам, унинг вакиллари ҳам кетишдан манфаатдор эмас.

Эндрик сўнгги учта ўйинни сонининг орқа қисмидаги жароҳатидан тузалганидан кейин захирада ўтказди. Ҳужумчи сўнгги бор 18 май куни - Ла Лига доирасида "Севилья"га қарши ўйинда (2:0) майдонга тушганди.

Эндрик ўтган мавсумда барча мусобақаларда 37 та ўйинда "Реал" сафида 7 та гол урган. У жорий мавсум олдидан "Мадрид"да 9-рақамни олди.