Австралия U-20 термаси устози: "Бугун жамоам ажойиб ўйин намойиш этди"

- Ўйин ҳақида фикрларингиз...

- Иложи борича кўпроқ гол уришга ҳаракат қилдик ва бунга эришдик. Йигитлар яхши ўйин намойиш этишди, уларга раҳмат айтаман. Биринчи вазифани бажардик, энди эса ярим финалга йўл олишимиз керак.

- Ўйинчиларингизнинг бугунги учрашувдаги ҳаракатларига баҳо бериб ўтсангиз. Аввалги баҳслар билан солиштирганда, футболчилар бугун анча кучлироқ эди...

- Биз ҳар бир ўйиндан сўнг ўйин сифатини яхшилаб бормоқдамиз ва шунга яраша ўйинимиз кучайиб бормоқда. Бугун йигитлар ажойиб ўйин намойиш этишди.

- Биринчи учрашувдаги мағлубиятдан сўнг футболчилар руҳияти тушиб кетган эди, сўнгги икки ўйинда эса улар ғалабага эришишди, руҳий томонлама ўсишга нима сабаб бўлди деб ўйлайсиз?

- Биринчи учрашувда яхши рақиб билан тўқнаш келдик. Улар эрта гол уриб олишди ва бизга жавоб қайтариш учун вақт етмади. Йигитларда биринчи учрашувда ҳам руҳий ҳолат ёмон эмас эди. Сўнгги икта учрашувда йигитлар ажойиб ҳаракат қилишди ва ўз мақсадларига эришишди.

- Биринчи учрашувдаги ўйин ва бугунги учрашувни солиштирганда, ўйинчиларингиз қайси жиҳатлар бўйича кучайди?

- Йигитлар анча вақтдан буён ушбу мусобақага тайёрланиб келаётган эди. Биринчи учрашув биз учун омадли бўлмади, лекин гуруҳ босқичида вазиятни ўнглаб олдик ва гурухдан биринчи ўрин билан кейинги босқичга чиқдик. Йигитлар ўша-ўша, фақатгина биринчи ўйинда кутган натижамизга эриша олмаган эдик.