"Атлетико" сардори Хамесга "Реал"да омад тиламайди
30 июл 2019 18:10
Новости

"Атлетико" сардори Хамесга "Реал"да омад тиламайди

"Атлетико" сардори Коке "Реал" ярим ҳимоячиси Хамес Родригеснинг "матрасчилар"га ўтиши мумкинлиги ҳақидаги хабарларга изоҳ берди.

"Хамес - "Реал" ўйинчиси. У ажойиб футболчи, аммо биз нима бўлишини билмаймиз. Агар у бизнинг жамоага ўтса, зўр бўлар эди, аммо ҳозирги жамоасида унга омад тиламайман. Бизда иштиёқ ва кучга тўла янги футболчилар бор. Ушбу футболчилар билан кўп ютуқларга эришамиз деб ўйлайман", - дейди Коке.

Олдинроқ, "қаймоқранглилар" президенти Флорентино Перес "Атлетико"дан учралган йирик мағлубиятдан сўнг Хамесни "матрасчилар"га сотишни хоҳламаётганлиги ҳақида хабарлар янграган эди.

"Атлетико" эса якунланган мавсум Ла Лигада 2-ўринни қўлга киритди. Клуб амалдаги УЕФА суперкубоги соҳиби ҳисобланади.