"Атлетико" Камара билан шартнома имзолаш учун пойгада етакчи. "Марсель" хавбеки ёзда эркин агентга айланади

Мадрид клуби 22 ёшли франциялик футболчи учун пойгада етакчилик қилмоқда. Томонлар оғзаки келишувга эришишди.

Қайд этиш керакки, "Атлетико" "Марсель"га ярим ҳимоячининг трансфери борасида қишки трансфер ойнасининг сўнгги соатларида таклиф юборган эди, аммо рад жавобини олди.

Камарага шунингдек "Манчестер Юнайтед" ва "Ньюкасл" қизиқиш билдирмоқда.

Камара жорий мавсум "Марсель" таркибида 33та ўйинда майдонга тушиб, 1та гол уришга эришди. Ҳимоячининг француз клуби билан шартномаси 2022 йилнинг 30 июнига қадар мўлжалланган.