Асрор Алиқулов: "Таркибимизда 15 нафар футболчи бор, улардан икки нафари дарвозабон"
30 мар 2021 22:14
Новости

Асрор Алиқулов: "Таркибимизда 15 нафар футболчи бор, улардан икки нафари дарвозабон"

Про лиганинг 2-туридан ўрин олган "Шўртан" - "Бухоро" (0:1) учрашувидан кейин мезбонлар бош мураббийи Асрор Алиқулов ўз фикрларини билдирди.

"Биринчи навбатда "Бухоро" жамоасини ўрганиб чиқдик. Футболчиларнинг деярли барчаси Суперлигада ўйнаган. Учрашув давомида кам вазият яратамиз деб ўйлагандим, аммо кутганимдан кўпроқ вазиятлар яратдик. Бироқ гол ура олмадик. Футболчилар концентрацияни йўқотиб қўйишди ва гол ўтказиб юбордик. Бундан ташқари бизда захирадан майдонга тушириб ўйинни кучайтира оладиган футболчи йўқ. Таркибимизда 15 нафар футболчи бор, улардан икки нафари дарвозабон. Бугун 18-19 ёшли футболчилар ўйнашди. Сўнгги дақиқаларда гол уриш учун бизга куч етмай қолди.

Бу мавсумдан олдин "Насаф" ва "Машъал" клубларидан 9 нафар футболчини чақиришга тайёр эдик. Аммо трансферларга қўйилган тақиқ туфайли буни амалга ошира олмадик. Агар худо кўрсатмасин 3 нафар футболчимиз касал бўлиб қолса регламент бўйича 13 нафар футболчини ҳам йиға олмаймиз. Шу боис 2003 йилда туғилган 2 нафар футболчини жалб қилдик.

Бугунги ўйинда ҳимоячиларимизга қийинчилик туғдирилди деб ўйламайман. "Бухоро" асосан қанотлардан ҳужум қилади ва стандарт вазиятлардан фойдаланишга уринишади", - дейди Асрор Алиқулов championat.asia сайтига.