Асрор Алиқулов: “Ўзим иштирок этган Кубок финалларидан кўпроқ “лой жанги” ёдимда қолган”

- Тўғриси, ҳозир ўзим иштирок этган финал ўйинларидан ҳар бирини йилма-йил айтиб беришим қийин. Бу борада кўпроқ “МХСК” стадионида “Қурувчи”га (Ҳозирги “Бунёдкор”) қарши кечган баҳсни яхши эслайман. “Лой жанги” бўлганди. Об-ҳаво ҳам шу куни бироз ноқулай келиб, кутилган ўйинни намойиш этишга ҳар икки жамоа ҳам қийналганди. Асосий вақтларда кучлар тенг келгач, лотореяда омад “Пахтакор”га кулиб боққанди. Жуда ёқимли ғалаба бўлганди.

- Бугунги ўйинга келадиган бўлсак, назаримда “Насаф” фаворит. Уларда жамоавий ўйин яхши шаклланган. Лекин финал битта ўйиндан иборат эканлигини ҳам унутмаслик лозим. “Бунёдкор” ҳам қўл қовуштириб турмаслиги аниқ. Улардан ҳам муносиб ўйин кутиш мумкин. Муҳими ишқибозлар ҳақиқий финалга хос ўйинга гувоҳ бўлишини ва ким кучли бўлса ўша ғолиб чиқишни тилайман.

Исломбек Рустамбеков.

ЎЗБЕКИСТОН КУБОГИ. БАРЧА ФИНАЛЛАРНИНГ РАМЗИЙ ТЕРМА ЖАМОАСИ