Асрор Алиқулов: "Фаолиятимда янги чақирув? Бунинг вақти келди, деб ўйлайман"
23 авг 2022 21:30
Новости
![](https://championat.asia/upload/storage/713735_original.jpg)
![](/upload/storage/713735_220.jpg)
Асрор Алиқулов: "Фаолиятимда янги чақирув? Бунинг вақти келди, деб ўйлайман"
"Ўйинга тайёргарлик жараёнида рақибга қарши агрессив тўп тепишни режалаштиргандик. Афсуски, илк дақиқадан хатога йўл қўйдик. "Пахтакор" эса жазолади. Улар тезлик томонлама яққол устунлик қилишди. Бугун Про лига ва Суперлига ўртасида фарқ сезилди. Ҳар томонлама кучли эканлиги сезилди", – деди Асрор Алиқулов.
- Биринчи бўлимда жамоа имкон қадар курашди ва муносиб қаршилик кўрсата олди. Иккинчи бўлимда футболчиларни кучи етмадими?
- Майдон эгаларида икки қанот ҳимоячилари ҳужумга чиқади. Шу паллада тўпни йўқотмасдан, қарши ҳужумга ўтишимиз керак эди. Биринчи бўлимда ҳужумларимизни якунлай олмадик. Охирги пас етишмади. Иккинчи бўлимда хатолар кўринди. Таҳлил қиламиз.
- Фаолиятингизда янги чақирув олишни вақти келмадими? "Шўртан"да уч йилдан бери меҳнат қилиб келмоқдасиз. Балки янги мавсумда жамоангизни ўзгартирарсиз? Ўсишингиз учун ҳам бу керак...
- Вақти келди, деб ўйлайман. Чунки ҳар йили янги жамоа тузамиз. Футболчиларни савиясини бир-бирига яқинлаштириш учун вақт керак бўлади. Бу томондан жуда катта қийинчиликка дуч келяпмиз.
- Биринчи даврадаги ва Шацких келгандан кейинги "Пахтакор" ўртасида қандай тафовут сездингиз?
- "Пахтакор" Суперлигада яхшигина қарама-қаршиликка дуч келмоқда. Футболчилар Шацкихни услубига кўникиши учун вақт керак. Ўйин услубида ўзгариш бор. Суперлигада "Нефтчи"га қарши ўйинни ҳисобга олмаганда тўлиқ устунлик қилмаяпти. Бироқ ўйинни назорат қилиш борасида ўсиш бор.
Похожие новости
![AMP Logo](https://championat.asia/image/logo-amp.png)
Комментарии