Асрор Алиқулов айни пайтда Ўзбекистондаги энг кучли ҳимоячи кимлигини айтди

У Муборак тумани клубини Суперлигага қайтарди. 41 ёшли собиқ ҳимоячи айни пайтдаги энг кучли ҳимоячи ким эканлигини айтиб ўтди.

- Фаолиятингиз давомида сиз тан олган энг яхши ҳимоячи ким?
- Андрей Фёдоровни жонбозлиги ва сифатли, ақлли футбол намойиш этгани учун ҳам тан оламан. У мен билган энг маҳоратли ҳимоячилардан бири. Фёдоров ҳеч қачон тўпни кўр-кўрона тепиб юборишни ёқламаган. Бугунги кунни ёш ҳимоячилари ундан кўп нарсаларни ўрганса арзийди. У билан бир даврда бирга тўп теганимдан фахрланаман.

- Бугунги кунда Ўзбекистондаги энг яхши марказий ҳимоячи деб кимни айта оласиз?
- Егор Кримец. У охирги икки йилда анча ўсишга эришди. Егор баъзи ярим ҳимоячилардан ҳам яхшироқ деб уйлайман. Марказдан қиладиган юришлари, фойдали ва аниқ узатмалари ҳимоячиларимизга ўрнак бўладиган даражада. Уни энг яхши марказий ҳимоячи сифатида кўрсата оламан.

Намоз Чориев ёзиб олди