RU

Последние новости

10:34ЎзПФЛ "йил футболчиси" учун номзодларни 5 тагача қисқартирди  6 10:10Месси жаҳон рекордини янгилади  2 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  3 09:18Сўнгги турларда Алиқуловни захирага "михлаб" қўйган мураббий истеъфога чиқди  0 09:15Виталий Левченко: "Танқид ва босимларни енгиб чемпион бўлдим"  2 08:52Нури Шаҳин: "Биз Аббосни жуда узоқ кутдик"  4 08:24"Башакшехир" устози Элдор Шомуродов ҳақида фикр билдирди  5 08:05МЛС. "Интер Майами" рақибини йирик ҳисобда мағлуб этди ва финалга йўл олди  5 07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  1 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0

"Ашурматовга биз ҳам қизиқиш билдирган эдик" — "Спартак Москва" собиқ юлдузи Анталияда Championat.asia сайтига интервью берди Новости

"Ашурматовга биз ҳам қизиқиш билдирган эдик" — "Спартак Москва" собиқ юлдузи Анталияда Championat.asia сайтига интервью берди

ФНЛ вакили Москванинг "Родина" жамоаси Анталияда ўқув-машғулот йиғинларини олиб бормоқда.

Жамоа бугун  Ўзбекистон Суперлигаси иштирокчиси "Андижон"га қарши синов-назорат учрашувида майдонга тушди. Баҳсда биринчи рақам остида ҳаракат қилган "Родина" "бургутлар" дарвозасига йўл топа олишмади. Жамоа бундан аввал "Бунёдкор" билан ҳам беллашган ва кичик 1:0 ҳисобида зафар қучганди. Учрашувдан сўнг жамоа мураббийлар штабида фаолият юритаётган "Спартак Москва" ва Россия терма жамоаси собиқ юлдузи Юрий Ковтун сайтимизга кичик интервью берди. 

- Юрий Михайлович "Андижон" билан учрашув шахсан сизда қайси томонлама таассурот қолдирди?

- Жуда яхши спарринг рақиб вазифасини ўтади. "Андижон" ижобий таассурот қолдирди, ёш футболчиларда иштиёқ кучли эканлиги яққол кўриниб турди. Йиғинлар ораси ўйинларда турли натижалар қайд этилиши табиий. Умуман икки жамоа ҳам ҳаракат қилди. Ҳужум қилган жамоага ўйинни голсиз тугатиш аламли албатта. Олдинда ўйинларимиз кўп. Муҳими жароҳатларсиз расмий ўйинларга етиб олиш. 

- "Андижон" билан учрашувга қадар "Бунёдкор" билан куч синашган эдинглар. Хўш, бу икки рақиб нимаси билан бир-биридан ажралиб турди?

- "Бунёдкор" ҳам яхши жамоа эканлиги билинди. Ўйини шаклланган, вазиятлар етарлича яратди. Ўзига яраша жамоамизга муаммолар туғдира олишди, деган бўлардим. "Андижон" бошқача услубда ҳаракат қилди. Ўзбек клублари билан назорат ўйинлари ўтказаётганимиздан хурсандмиз. Чунки рус клубларига қараганда услубда фарқ бор. Россияда эса кўпроқ жисмоний ҳолатга эътибор берилади. 

- "Рубин"га ўтган Умарали Раҳмоналиев ва Рустам Ашурматов ҳақида нима дея оласиз? Умуман ўзбекистонлик ижрочиларга қандай тафсиф берган бўлардингиз?

- Ўзбекистонлик ҳимоячининг хизматларига қизиқиш билдирган эдик. Уларнинг асосий кучли томони тўп билан яхши муомалада бўлишлари. Боиси СССР пайтидан бери ўзбек футболида техника ва тўп назоратига катта урғу берилади. Юқори интелектга таяниб, ақлли ўйин кўрсатишади.   

- Демак гап Рустам Ашурматов ҳақида кетмоқда?

- Ҳа, Рустам Ашурматов. 

- Ўз вақтида "Спартак Москва" сафида Миржалол Қосимовга қарши кўп бор ўйнагансиз. Одатда, сиздек Россия футболидаги таниқли номлар билан учрашганимизда Миржалол Қосимов ҳақида сўраймиз...

- Қосимов — ўзбек ва рус футболидаги катта ном. У каби индивидуал кучли футболчини яқин йилларда учратмадим. Стандарт вазиятлардаги моҳирона ҳаракатлари ёдимда. Қосимов улкан ҳурматга сазовор футболчи ва мураббий ҳисобланади. 

- Анталияда 10дан ошиқ Суперлига жамоалари ўқув-машғулот йиғинлари, назорат учрашувлари олиб боришмоқда. Балки қайсидир футболчини кўз остингизга олиб қўйгандирсиз?

- Йиғинларда бунинг имкони кам. Машғулотлар ва ўйинларга, жамоани шакллантиришга кўп вақт сарфланади. Юқорида айтдим, аввал ҳам ўзбекистонлик ҳимоячига қизиққанмиз. Нима ҳам дердим, вақт кўрсатади.

Суратлар "Родина" расмий сайтидан олинди.

Автор : Iskandarov Abdulaziz
Рейтинг: +2   

Комментарии

championat.asia
< посмотреть последние новости
Яндекс.Метрика