Ашкан Дежага: "Мураббий танлашда шошилмаган маъқул"
05 мар 2019 16:22
Новости

Ашкан Дежага: "Мураббий танлашда шошилмаган маъқул"

Эрон терма жамоаси сардори Ашкан Дежага терма жамоага ким бош мураббий бўлиши ҳақида ўз фикрини билдирди.

Маълумки, Осиё Кубоги якунига етганидан бери Эрон терма жамоасида бош мураббий йўқ. Эрон футбол федерацияси Карлуш Кейруш ўз лавозимини тарк этгач Зинедин Зидан, Жозе Моуриньо, Юрген Клинсманн, Винченцо Монтелла каби мутахассислар билан музокара олиб боришга уринди, бироқ ҳозирча барчаси самарасиз якун топди.

ЖЧ-2022 саралаш баҳсларига уч ой вақт қолди, лекин ҳозирча янги бош мураббий ким бўлишидан дарак йўқ. Ашкан Дежага эса ўз интервьюсида бу борада шошилмаслик кераклигини айтди:

"Терма жамоамиз 8 йил фақат бир мураббий қўл остида фаолият олиб борди. Эндиликда яна шошилмасдан иш кўрган маъқул. Бирданига қарор қабул қилиш турли оқибатларга олиб келади. Ўйлайманки, федерация мураббий борасида тўғри тўхтамга келади. Жаноб Кейруш жуда яхши меҳнат қилди, ўзига қолса кўпроқ вақтга қолиши мумкин эди. Тўғри, унинг фаолиятида ҳам хатолар бўлган, лекин бу - футбол. Агар Осиё Кубоги ярим финалида Японияни мағлуб этганимизда финалда ҳам зафар қучган бўлардик. Чунки биз Қатарни доим ютиб келганмиз".

Ссылка :

Источник : persianfootball.com

Получайте новости прямо в Telegram!

Рейтинг: -10