Артур Юнусов: "Залдаги муҳитни сўз билан тасвирлаб бериб бўлмайди"

"Ўйин қийин бўлди. Учрашув гуруҳда биринчи ўринни олиш олмаслигимизни ҳал қиларди. Чунки, бунгача Саудия Арабистони ва Ливан терма жамоалари ҳам дуранг қайд этишганди. Олдимиздаги вазифа эса, ушбу баҳсда ғалаба қозониб биринчи ўринни таъминлаб қўйиш эди. Қирғизистонликлар ҳам агар ютқазиб қўйишса қийин вазиятда қолишларини тушуниб тургандилар. Шу сабабли, рақиб ҳам ўйинга қаттиқ тайёрланди. Асосийси, 3 очкога эришдик ва биринчи ўрин билан гуруҳдан чиқдик.

Залдаги атмосферани сўз билан тасвирлаб бериб бўлмайди. Бунинг учун ўша ернинг ўзида, яъни паркетда бўлиш лозим. Мухлисларга бунинг учун катта раҳмат айтамиз. Умуман, бизни ТВ орқали қўллаб-қувватлаган ватандошларимизга ҳам миннатдорчилигимизни билдириб ўтаман.

Кейинги босқич ҳақида гапиришга ҳали вақт бор. Унгача яна битта ўйин ўтказамиз. Ҳали чорак финалда кимга тўқнаш келишимиз аниқ эмас. Ўйиндан-ўйинга кучайиб боришимиз лозим. Унгача ҳали вақтимиз етарли", - дейди Артур Юнусов.