Артета: "Дарвозани дахлсиз сақлаганимиздан жуда хурсандмиз"
02 окт 2025 17:12
Новости

Артета: "Дарвозани дахлсиз сақлаганимиздан жуда хурсандмиз"

"Арсенал" бош мураббийи Микель Артета Чемпионлар Лигасининг 2-турида "Олимпиакос" устидан қозонилган ғалаба (2:0) ҳақида тўхталди.

"Бундай қийин рақибга қарши ғалаба қозонганимиз ва дарвозани дахлсиз сақлаганимиздан жуда хурсандмиз. Ўйлайманки, биз жуда яхши бошладик. Гол урдик, кейин бизда ажойиб имкониятлар бўлди, ЕЧЛда улардан унумли фойдаланиш керак, акс ҳолда мағлуб бўлиш ҳеч гап эмас. Ўйин очиқ ўтди. Давид Райя ажойиб сэйв амалга оширди, аммо бу ўйин учун барча йигитларга раҳмат айтишимиз керак", – деди Артета.

"Арсенал" ҳисобида 6 очко бор ва турнир жадвалида 5-ўринда бормоқда. "Олимпиакос" эса 1 очко билан 29-поғонада кетмоқда.

Греция клуби 3-турда "Барселона" билан, "Арсенал" эса "Атлетико" билан рўбарў келади. Ҳар икки ўйин 21 октябрь куни ўтказилади.

Ссылка :

Источник : uefa.com

Получайте новости прямо в Telegram!

Рейтинг: +2