АПЛнинг 14 клуби энг бой 6 жамоага қарши
05 окт 2017 11:28
Новости

АПЛнинг 14 клуби энг бой 6 жамоага қарши

Теги : АПЛ

Англия Премьер-лигаси жамоалари четда телевизион ҳуқуқларни сотишдан тушадиган фойдани тақсимлашдаги ўзгаришларга қўшилишмади.

АПЛнинг энг бой 6 клуби - "Манчестер Юнайтед", "Манчестер Сити", "Тоттенхэм", "Арсенал", "Ливерпуль" ва "Челси" кўпроқ пул олмоқчилар. Лига раҳбари Ричард Скадэмор телеҳуқуқларни четга сотишдан тушган фойданинг 35 фоизини жамоаларнинг турнир жадвалидаги ўрнига қараб тақсимлаш борасидаги режани намойиш этган эди. Чемпионатнинг қолган 14 жамоаси бу таклифни қўллаб-қувватлашмади.

25 йил давомида Англия телеҳуқуқларни хорижга сотишдан тушган фойда клублар ўртасида тенг бўлиниб келинган. 2016 йилдан 2019 йилгача бу фойда 1.07 миллиард фунтни ташкил этади.

Бундан ташқари, АҚШ, Хитой ва Африканинг айрим давлатлари билан янги шартномаларга кўра, АПЛ 2019-2022 йиллар давомида йилига 476 миллион фунт олади.