АПЛ кучлими ёки клублар ўртасидаги ЖЧ? Кайл Уокернинг бунга жавоби

- Клублар ўртасидаги Жаҳон чемпионатида ғолиблик сен учун нимани англатади?

- "Манчестер Сити" ўз тарихида биринчи бор ушбу мусобақада иштирок этмоқда. Бу титуль биз учун кўп нарса дегани. Треблдан сўнг ушбу соврин биз учун якунловчи қисм бўлиб хизмат қилади. 

- "Ман Сити" ҳимоя чизиғи аввалгидек эмас, деган фикрга қандай қарайсиз?

- Билмадим, ҳимоя чизиғимизда ўзгаришлар бўлди. Эртага ғалаба қозонамиз деб ўйлайман.

- "Манчестер Сити" эртага ғалаба қозонадиган бўлса, бу фаолиятингдаги энг зўр онлар бўладими?

- Бунга амин эмасман. Сабаби, фаолиятим давомида жуда ажойиб онларни ўтказганман. Требл қайд этганимизда ҳис қилган туйғуларимни тасвирлаб бера олмайман. Бу мусобақа, албатта, биз учун муҳим, аммо фаолиятимдаги энг зўр он бўлишига амин эмасман. Катта соврин бўлиши аниқ. 

- Ярим финал ўйинида жуда стадионда кўп инсонлар "Ман Сити"га мухлислик қилишди. Шу ҳақида фикринг...

- Бу ажойиб бўлди. Мухлисларнинг қўллаб-қувватлаши ажойиб ҳис. Албатта, ғалаба қозонишда давом этсак, биз янада кўпроқ мухлис орттирамиз. Стадионга келган барчага раҳмат айтамиз. 

- АПЛ ва бу мусобақанинг фарқи ҳақида гапирсангиз?

- Англия чемпионати бошқача мусобақа. "Лутон"га ҳурмат сақлаган ҳолда айтаманки, масалан шу жамоа билан ўйинда ҳам осонликча ғалаба қозонмаймиз. Клублар ўртасидаги Жаҳон чемпионатида эса ҳар бир қитъанинг энг кучли жамоалари ҳаракат қилишмоқда. Ҳар бир қитъанинг ўйин услубини ҳис қилиб кўрмоқдамиз.

Жалолхон Иноғомхўжаев ёзиб олди, Зоир Турсунбоев сурати.