АПЛ бошланмоқда: "Манчестер Юнайтед" нимага қодир?

Ҳали ҳамон босим остида бўлган ва ўзининг имкониятларини намойиш эта олмаган нидерландиялик мураббий Эрик тен Хаг жамоадаги вазиятни яхшилаш устида ишлаши кераклиги яққол намоён бўлиб қолди. Кўпчилик мутахассислар ва журналистлар томонидан яқин кунларда старт оладиган янги мавсумни Англия Премьер-лигасида олтинчи ўринда якунлаши башорат қилинмоқда. Жамоанинг чемпионатда ғолиб бўлиш имконияти 4 фоиз, дея баҳоланмоқда. Энди бундай тахминларга олиб келган сабабларни ўрганиб чиқамиз.

Истиқболлар

Бироз аввалга назар солсак, айтайлик, ўтган мавсум бошида олдинги мавсумни иккинчи ўринни қўлга киритган ҳолда тугатган "Манчестер Юнайтед" таркибини Жейдон Санчо, Криштиану Роналду ва Рафаэль Варан билан кучайтириб олганди. Старт аввалида ушбу таркиб билан ҳатто тўртинчи ўринни олиш ҳам ижобий натижа сифатида қабул қилинмас эди. Ўша пайтда Оле-Гуннар Сульшер бошқарувидаги жамоа учун клуб музейини 21 тож билан безатиш амбиция эди. Мавсум давомида пешқадам ва азалий рақиб "Манчестер Сити"дан 35 очко ортда қолган ҳолда олтинчи ўринни банд қилган жамоа учинчи мураббий бошқарувига ўтди. Нидерланидиялик мутахассис Эрик тен Хаг бошқарувида мавсум якунига қадар ҳатто тўртинчи ўринга кўтарилиб олиш кичик мўжизадек туюлади. Келаётган мавсумда бунинг воқеликка айланишига кичик умид учқунлари бор. Сабаби 52 ёшли мутахассис 22 ёшли динамик чап қанот ярим ҳимоячиси Тайрелл Маласиа, трансферлар ойнасининг энг яхши харидларидан бири, дея баҳоланган плеймейкер Кристиан Эриксен билан шартнома имзолади. Улар сафига, шунингдек, "Аякс"дан олиб келинган кучли ҳимоячи Лисандро Мартинесни ҳам кўшишимиз мумкин. Саналганлар орасида Эрик тен Хагнинг “козери”га айланадиган ва "Барселона" қўйиб юборган тақдирда жамоага келиб қўшилиши мумкин бўлган Френки де Йонг билан кўзланган тўртлик ёрдамида ушбу натижани қайд этишга оптимистик қараш мумкин бўлади.

Аммо бунга қарши омиллар ҳам етарлича эди. Ўша пайтда "қизил иблислар"дан юқорида жойлашган "Манчестер Сити", "Ливерпуль", "Челси" ва "Арсенал" ҳам таркибини кучайтириб олди. Қўшимчасига "Аякс" билан уч карра Нидерландия чемпионлик титулини қўлга киритган ва Чемпионлар Лигаси ярим финалига чиқишнинг уддасидан чиққан Эрик тен Хагнинг Англияда нима каромат кўрсатиши сўроқ остида қолмоқда. Бунинг устига мутахассисга қишки Жаҳон чемпионати туфайли мавсумнинг эртароқ бошланиши ҳам қийинчилик туғдиради. У ўзининг тезкор прессинг, доимий паслар ва ҳаракат услубини жамоага сингдириш учун 5 ҳафтагина вақт ажратилади. Тен Хагнинг мана шу ойда Бангкокдаги "Ражамангала" стадионида ўтказилган машғулотлар жараёнида футболчиларига улар аллақачон ўрганиб олган бўлишлари керак бўлган фундаментал кўрсатмаларни бераётганини эшитиш ташвишга солади. Жамоа сўнгги беш масумда икки бора иккинчи ва олтинчи ўринларни эгаллаган бўлса, бир бор учинчи натижа қайд этилди. 

Мураббий

Сер Алекс Фергюсондан кейин Эрик тен Хагнинг ўтмишдошлари йўл қўйган хатолар уларга қимматга тушди ва уларнинг истеъфосига олиб келди. Дэвид Мойес – қўпол, Луи ван Гал – қайсар, Жозе Моуринью – ўзгарувчан ва Сульшер тактик жиҳатдан чекланган эди. Умид қиламизки, 52 ёшли нидерландиялик бундан хулоса чиқарган ҳолда ўзининг ижобий фазилатлари ёрдамида инглиз футболига тезда кўникиб кетади. Унинг ўйинчиларга нисбатан шафқатсизлиги ва мукаммалликни тинмай талаб қилиши жамоанинг Таиланд ва Австралиядаги мавсумолди тайёргарлик сафарида яққол кўзга ташланди ва жамоа яхши натижалар кўрсатди. Номаълумлигича қолган жиҳат Криштиану Роналду, Бруну Фернандеш ва Давид де Хеадан ташқари бутун жамоа кўрган даҳшатли тушдан олиб чиқиб, қандай қилиб яхшилай олишидир. Айнан шу унинг истиқболдаги обрўсини кўтарадиган омил бўлиши мумкин.

Трансферлар

Кристиан Эриксен даражасида ўйинчини ҳеч қандай тўлов эвазига кўлга киритиш Эрик тен Хагнинг жамоани қайта қуриш кўлами нақадар кенг экани ва трансфер сиёсатини нақадар усталик билан олиб борганининг яққол намунасидир. Бу Роналду билан бир қаторда бир маромда ўйин кўрсата оладиган ва ўйин тақдирини мутлақо ўзгартириб юбориш имкониятига эга Бруну Фернандеш каби яна бир плеймекерни қўлга киритишни англатади. Хулоса қилиб айтадиган бўлсак, янги менежер жамоа сифатини оширишнинг уддасидан чиқди ва умид қиламизки, Эриксен Фернандешнинг юкини енгиллаштиради ва жамоага фойда келтирадиган бошқа имкониятларини ҳам таклиф қилади.

Жаҳон чемпионати таъсири

Таркибдаги деярли барча футболчилар Дохага жўнаб кетади. Бутун ҳимояга чизиғи – Давид де Хеа, Диогу Далот, Ҳарри Магуайр, Варан, Люк Шоу, Маласиа ва агар сотиб юборилмаса, Алекс Теллес ўз терма жамоаларига ёрдам беради. Виктор Линделёфнинг Швейцария ва Эрик Байининг Кот-д'Ивуар терма жамоаси саралаш босқичидан ўта олмади. Ярим ҳимояда фақатгина Скотт Мактоминейнинг Шотландия терма жамоаси имкониятни бой берди. Ҳужумч вакилларидан Фернандеш, Донни ван де Бек, Роналду, Антони Марсьяль, Маркус Рэшфорд ва Жейдон Санчо терма жамоасидан чақирув олиши мумкин. Аммо Антони Эланга швециялик бўлгани туфайли мундиаль вақтида тин олади.

Либослар савдоси

Либослар савдоси бўйича яққол етакчиликка эга бўлган Криштиану Роналдунинг ёзда кетиши ёки қолиши билан боғлиқ хабарларнинг деярли ҳар куни чиқиб туриши бир қатор мухлисларни ғазаблантирди ва улар қайтариб берган либослар сони максимал кўрсаткичнинг пасайишига сабаб бўлмоқда. Глейзерлар Роналдунинг қолишини хоҳлайди. Роналду глобал тижорат феномени бўлганидан кейин бу табиий, албатта. Манкунианлар устози тен Хаг Роналдунинг бу мавсумда жамоада қолишини жуда яхши билади (ҳатто келаси мавсумда ҳам). Агар мутахассис бунинг учун яширинча ибодат қилиб юрган бўлса ҳам, уни айблаш ноўрин. Роналдунинг 37 ёшли оёқлари энди аввалгидек 90 дақиқа бир маромда югуриб бера олмайди. Роналдудан ташқари Эриксен номи туширилган футболкалар жиддий савдо рақамларини қайд этиши мумкин. 

Ижтимой тармоқларда "сузувчилар" 

Лисандро Мартинеснинг  “либос учун ўлишга тайёрман” сиймоси унинг Instagram, TikTok ва бошқа ижтимоий тармоқларда айланишига сабаб бўла олмайди?! Аргентиналик футболчидан ташқари Евро-2020 давомида Эриксеннинг ажойиб тарзда ўлимга яқин юрак ҳуружидан қайтиши қизиқиш, мақтов ва меҳрни уйғота олади ва бошқаларни ўзига жалб қилади. Гарчи Роналду ҳозирда тармоқ фойдаланувчилари орасида трендда бўлмаса-да, Instagram'даги 468 миллион обуначилари сони кулгили тарзда кўпайгани кўпайган.

Мансурбек Неъматов таржимаси