Анзур Исмоилов терма жамоа сафида 100-учрашувини ўтказди

Шуни айтиш лозим, бу ўйин тажрибали ҳимоячи Анзур Исмоилов учун миллий терма жамоадаги 100-учрашув бўлди. Маълумот учун, Ўзбекистон терма жамоасида ҳозирча 100та ва ундан кўп ўйин ўтказган футболчилар сони уч нафарни ташкил этарди. Булар - Тимур Кападзе, Сервер Жепаров ва Игнатий Нестеров.

Анзур Исмоилов терма жамоадаги дебютини 2007 йил 2 июль куни Ироқ терма жамоасига қарши ўтказган. Ўшанда жамоамиз 2:0 ҳисобида зафар қучганди.

Агар йилма йил оладиган бўлсак, Анзур 2007 йил 3та, 2008 йил 9та, 2009 йил 8та, 2010 йил 7та, 2011 йил 8та, 2012 йил 8та, 2013 йил 12та, 2014 йил 7та, 2015 йил 13та, 2016 йил 8та, 2017 йил 5та, 2018 йил 7та ва бу йил ҳисобидан ҳозирча 5та ўйинда майдонга тушди. Эслатиб ўтамиз, бунда расмий ўйинлар билан биргаликда ФИФА кунлари ўтказилган ўртоқлик учрашувлари ҳам ҳисобга олинган.