Анвар Бердиев: "Ютишимиз ҳам, ютқазишимиз ҳам мумкин эди"
14 авг 22:08
Новости
![](https://championat.asia/upload/storage/798865_original.jpg)
![](/upload/storage/798865_220.jpg)
Анвар Бердиев: "Ютишимиз ҳам, ютқазишимиз ҳам мумкин эди"
Ўйин ҳақида
- Учрашув оғир ўтди. Жамоамиз аъзолари охиригача курашиб, бир очкони қўлга киритишди. Таъкидлаш жоиз, бу ўйинда мағлуб бўлишимиз ёки ютишимиз ҳам мумкин эди. Сўнги дақиқаларда ҳар икки жамоа дарвозаси ёнида жуда хавфли вазиятлар юзага келди.
- Жамоангиз бугун ҳимоявий футбол намойиш этгандек кўринди. Бу ўйиндан келиб чиқиб танланган услуб эдими?
- Ҳимоядан ўйнадик демаган бўлардим. Биз мезбонларнинг ҳужумларини қайтариш учун ҳаракат қилдик ва қарши ҳужумларда имкониятларимизни қидирдик. Голли вазиятларимиз бўлди, бироқ фойдалана олмадик. Мухлисларбоп ўйин бўлди, вазиятларни таҳлил қилиб, навбатдаги учрашувларга тайёрланишда давом этамиз.
- "Шўртан" жамоасининг мақсади нимага қаратилган?
- Биз ҳар бир ўйинда ғалаба учун майдонга чиқишни мақсад қилганмиз. Кузда, мавсум якунида турнир жадвалидаги ўрнимизни таҳлил қиламиз.
- Жасур Холтўраевнинг ўйини ҳақида фикрингиз?
- Жасур Холтўраев вазиятларда ютқазгиси келмайди. Майдонда агрессив, майдон ташқарисида эса жуда хотиржам футболчи. Унинг ўйинларидан қониқиш ҳосил қилаяпман.
- Шероз Жалолов нега захирада қолаяпти?
- Шероз Жалолов яхши футболчи. Ҳимоядаги рақобатни янада кучайтириш учун таркибимизга жалб этганмиз. Навбатдаги ўйинларда албатта унга ҳам имконият берамиз.
- Ўзбек футболида кучли ҳужумчилар кам чиқаётганига сабаб нима деб ўйлайсиз?
- Бу савол жуда кўп берилаяпти. Ҳозир бизнинг футболда ривожланиш бор. Академиялар ишлаяпти, иқтидорли ёшлар жуда кўп. Тез орада Холмуродов, Солиев, Исоқовлар каби кучли ҳужумчилар футбол жамоаларида пайдо бўлишига ишонаман.
Похожие новости
![AMP Logo](https://championat.asia/image/logo-amp.png)
Комментарии