Анвар Бердиев: "Про лигада ўткинчи ўйинлар бўлмайди"

- Ўйин ҳақида

- Албатта, бугунги ўйин оғир ўтди. Ҳар икки жамоа ҳам очко йўқотди. Бугун ютқазишимиз ёки ютиб кетишимиз ҳам мумкин эди. Якуний натижа дуранг билан якунланди.

- "Шўртан" ҳимояси охирги 15 дақиқаликда ишончсиз ҳаракат қилгандек кўринди. Буни қандай изохлайсиз?

- Бундай демаган бўлардим. Чарчоқ натижасида футболчи ўзини бошқара олмаслиги мумкин. Бугун дарвозабонимиз жуда яхши ўйин кўрсатди. Гол ўтказмасак, ҳимоя ва дарвоза чизиғи яхши ўйин кўрсатган ҳисобланади.

- Жамоангиз бугун ўз мақсадига эриша олмаганига сабаб нима бўлди?

- "Хоразм" яхши шаклланган жамоа. Ўз мухлислари қаршисида ўйнаган жамоа билан майдонда осон бўлмайди. Вазиятларимиз ҳам бўлди албатта.

Такрорлайман, Про-лигада ўткинчи ўйинлар бўлмайди.

- Анвар Бердиев миллий чемпионатларимизда энг кўп гол урган ҳужумчи саналади. Ўзбекистонда шу каби кўп гол урадиган ҳужумчиларни кўраяпсизми?

- Ўзбек футболида сўнги йилларда эътибор анчайин кучли. Ҳар бир жамоада ҳужумчилар билан ишлайдиган мураббий бўлиши керак. Ўйин вақтида қандай очилиши, қайси услубдаги зарба гол билан якунланиши ҳақида тушунчалар бериб борилиши керак.