Англия премьер-лигаси бошланишига бир ҳафта қолди

Мавсумнинг дастлабки учрашуви 9 август куни тунда "Энфильд" стадионида бўлиб ўтади. Унда "Ливерпуль" АПЛга қайтган "Норвич"ни қабул қилади.

Амалдаги Англия чемпиони "Манчестер Сити" мавсумни Лондонда "Вест Хэм"га қарши баҳс билан бошлайди.

Маурисио Почеттино бошчилигидаги "Тоттенхэм" ўз майдонида бир неча йиллик танаффусдан сўнг АПЛга қайтган "Астон Вилла" билан куч синашади.

Ёзги трансфер ойнаси вақтида бир қатор янги футболчиларни сотиб олган "Арсенал" эса Рафаэль Бенитесни қўйиб юборган "Ньюкасл" меҳмони бўлади.

Дастлабки турнинг марказий учрашуви "Олд Траффорд"да бўлиб ўтади. Унда "Манчестер Юнайтед" Лондоннинг "Челси" клубини қабул қилади.

Демак, дунёнинг энг томошабоп лигаси старт олишига 7 кун қолди холос.

Англия премьер-лигаси
1-тур жуфтликлари
9 август
23:55 - "Ливерпуль" - "Норвич"

10 август
16:30 - "Вест Хэм" - "Манчестер Сити"
19:00 - "Бернли" - "Саутгемптон"
19:00 - "Кристал Пэлас" - "Эвертон"
19:00 - "Борнмут" - "Шеффилд Юнайтед"
19:00 - "Уотфорд" - "Брайтон"
21:30 - "Тоттенхэм" - "Астон Вилла"

11 август
18:00 - "Лестер" - "Вулверхэмптон"
18:00 - "Ньюкасл" - "Арсенал"
20:30 - "Манчестер Юнайтед" - "Челси"