Андрей Шипилов: "Бугун қўрқоқларча ўйнадик. Мавсумдаги энг ёмон ўйинни кўрсатдик"
30 сен 2020 19:39
Новости

Андрей Шипилов: "Бугун қўрқоқларча ўйнадик. Мавсумдаги энг ёмон ўйинни кўрсатдик"

Суперлиганинг 18-туридан ўрин олган "Металлург" - "Андижон" (1:1) учрашувидан кейин мезбонлар бош мураббийи Андрей Шипилов ўз фикрларини билдирди.

Бугун мавсумдаги энг ёмон ўйинни ўтказдик. Бугун ўйинимизнинг 50 фоизини ҳам кўрсатмадик. Биз гол урдик ва ўйнашни йиғиштириб қўйдик, қўрқоқларча ўйнадик, тартибсиз ҳаракат қилдик. "Андижон" дурангга лойиқ эди, биз эса ғалабага ҳақли эмасдик. Натижа адолатли.

- Сўнгги дақиқаларда концентрацияни йўқотиб қўйди. Бунга нима сабаб бўлди?
- Абдулҳақов ва Андреев жароҳат олди. Уларни алмаштиришга мажбур бўлдик. Бугун шунчаки етакчи кўринмади. Характер намойиш эта олишмади. Захирадан майдонга тушганлар шунчаки ёши катта футболчилар ортига беркиниб олишди. Асосийси тартибли ўйин бўлмади.

- Абдулҳақовнинг жароҳати ҳақида қандай фикрдасиз?
- Менимча унинг оёғи синди.

- "Пахтакор"нинг ОЧЛдаги ўйинларини кўряпсизми?
- Албатта вақтим бўлганида кўраяпман. Эрон клубларига қарши "Пахтакор" яхши ўйнамоқда. Иккита Эрон клуби мағлуб этилди. Менимча бугун "Пахтакор" кейинги босқичга чиқиши учун жуда яхши имкониятга эга.