Андрей Фёдоров: "Мухлислар 12-ўйинчи вазифасини аъло даражада бажаришди"

- Ўйиннинг бориши биз кутгандек кечди. Рақибнинг икки ўйинини ўрганиб чиқар эканмиз, "Бухоро" сафардаги мағлубиятлардан кейин ўз мухлислари олдида борини бериб, ғалаба учун ўйнаши аниқ эди. Шу боисдан баҳс жуда ҳам муросасиз ўтди. Шунингдек, бугун мухлисларнинг қўллаб-қувватлаши ҳам мезбон футболчиларга анчагина далда бўлди. Улар 12-ўйинчи вазифасини яхши бажара олди. Балки айрим паллаларда рақибга қараганда бироз ёмонроқ ўйин кўрсатгандирмиз. Шунчаки икки голни эрта уриб олганимиз сабабли йигитлар бўшашишди. Аммо энди навбатдаги ўйинларда бундай қилиш ярамайди. Энди ҳар бир очконинг қадри юқори бўлади.

Икром Алибоев: - Ўйин биз учун яхши ўтди. "Бухоро" биз кутгандек қаршилик кўрсатмади. Осонлик билан ғалабага эришдик, деб айта оламан.

Терма жамоага чақирув олиш ҳар доим ёқимли. Худо хоҳласа, терма таркибида жонимизни бериб, мухлисларни хурсанд қилишни истаймиз.