“Андижон”нинг янги мавсумга тайёргарлик режаси тасдиқланди
03 фев 2016 10:00
Новости

“Андижон”нинг янги мавсумга тайёргарлик режаси тасдиқланди

Теги : Андижон

Хабарингиз бор, “Андижон” футбол клубида янги бош мураббий иш бошлади.

Шу боис тайёргарлик режасига айрим ўзгартиришлар киритилди. “Бургутлар”нинг чемпионат стартига қадар бўладиган йиғин режаси янги мураббийлар штаби томонидан тасдиқланди.

Унга кўра, жамоанинг йиғини 20 февралга қадар Тошкентда давом этади. Шундан сўнг футболчиларга икки кунлик дам берилади. 23 февралдан 27 февралга қадар эса жамоанинг йиғини Андижонда бўлади. Бу вақт оралиғида жамоа бош мураббийи ва футболчиларининг клуб мухлислари билан учрашуви режалаштирилган.

27 февраль куни водий клубларининг бири билан назорат учрашуви ўтказиш кўзда тутилмоқда. 1 мартдан эса жамоа Тошкентда чемпионатнинг биринчи туридан ўрин олган “Пахтакор”га қарши бўладиган ўйинга тайёргарлик кўради.

"Андижон" ФК матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +3