“Андижон” эртага “Шўртан” билан ўйнайди

Жамоа аъзолари бугун ҳам икки маҳал машғулот ўтказди. Эрталабки машғулотда асосий эътибор жисмоний тайёргарликка қаратилди ва футболчиларга “нагрузка” берилди. Кечки пайт эса тўп билан тактик жиҳат устида иш олиб борилди. Жамоада барчанинг кайфияти яхши дейиш мумкин. Футболчиларнинг иштиёқи баланд. Мураббийлар эса ҳар бир ўйинчининг имкониятини кўздан кечирмоқда. Таркибда ҳозирча ўзгаришлар йўқ. Эртага навбатдаги назорат синов учрашуви ташкил этилади. Сергели туманида жойлашган сунъий қопламали майдонда “Шўртан”га қарши кечадиган баҳс соат 11:00да старт олади.