"Андижон" черногориялик ҳимоячи билан шартнома имзолади
18 янв 19:54
Новости

"Андижон" черногориялик ҳимоячи билан шартнома имзолади

Янги мавсумга тайёргарлик кўраётган "Андижон" таркибини кучайтиришда давом этмоқда.

27 ёшли черногориялик ҳимоячи Миомир Жюрикович андижонликлар сафини тўлдирди. Бу ҳақда клуб матбуот хизмати эълон қилди.

Олдинроқ сайтимиз орқали "Андижон" тез орада бўйдор легионер ҳимоячи билан шартнома имзолаши ҳақида эълон қилгандик.

191 сантиметр бўйга эга Жюричкович фаолияти давомида "Шоле" (Франция), "Рудар", "Искра", "Грбаль", "Будучност" (барчаси Черногория), "Сараево" (Босния ва Герцеговина) каби клубларда тўп тепган.

Футболчи икки марта Черногория чемпиони бўлган ва икки марта Черногория кубоги соҳибига айланган. Жюричкович 2024 йилда "Сараево" клубининг энг яхши футболчиси деб топилган.